التعافي مو حدث… التعافي نظام حياة

التعافي مو حدث… التعافي نظام حياة.
ومو أي نظام… لازم يكون ثابت، واضح، ومتوازن.
كثير يعتقدون إن مجرد التوقف عن التعاطي كافي، لكن الحقيقة إن التعافي يحتاج أسلوب يومي من الالتزام، والانضباط، وترتيب الأولويات.

التعافي ما يحب الفوضى… ولا يحب الفراغ.
لأن الفراغ يعطي فرصة للأفكار السلبية، ويقوّي المحفزات، ويخلّي الشخص يرجع لدوائر كانت سبب الألم من البداية.
عشان كذا دايمًا أقول:
التعافي يحتاج جدول… يحتاج عادات… يحتاج حياة محسوبة.

وقت نوم ثابت، أكل منتظم، علاقات صحية، متابعة نفسية، نشاط بدني، تجنّب الضغوط، معرفة متى تقول “لا”، وتعلّم كيف تدير يومك بدون ما يجرّك يومك.

الشخص المتعافي ما ينفع يعيش يومه “على المزاج”.
مو لأنه ضعيف… بالعكس، لأنه حريص يحمي نفسه.
وحماية النفس ذكاء، مو ضعف.

النظام اليومي المستقر هو اللي يخلق الأمان الداخلي، ويقلّل فرص الانتكاس، ويقوّي الثقة بالنفس.
والتعافي الحقيقي يبدأ لما يفهم الشخص إنه محتاج يبني حياته من جديد… خطوة ورا خطوة… عادة ورا عادة… لحد ما يصير الاستقرار جزء طبيعي من يومه.

التعافي ما هو فاضي…
التعافي أسلوب حياة.

د/ منى اليتامي