أول تجربة تعاطي ممكن تبان بسيطة

أول تجربة تعاطي ممكن تبان بسيطة
فضول، ضغط صحبة، أو محاولة للهروب من وجع أو توتر.

لكن الحقيقة إن أول مرة ممكن تكون بداية طريق خطير،
طريق ما حدش بيدخله وهو ناوي يكمله،
بس كتير بيلاقوا نفسهم فيه قبل ما ياخدوا بالهم.

التجربة الأولى بتفتح باب،
والمخ يبدأ يربط الإحساس بالهروب أو الراحة بالمخدر،
ومن هنا تبدأ الدائرة… مرة تجر مرة،
لحد ما الاختيار يتحول عادة،
والعادة تتحول اعتماد.

كتير شفتهم قالوا: «أنا مسيطر»،
لكن الإدمان ما بيستأذن،
وبيسحبك خطوة خطوة من غير ما تحس.

علشان كده، الوعي من البداية مهم،
ورفض أول تجربة أحيانًا بيكون أهم قرار في الحياة.

افتكر دايمًا:
الطريق اللي بيبدأ بتجربة،
ممكن ينتهي بخسارة كبيرة…
واحسن حماية هي إنك ما تبدأش من الأساس.
د. منى اليتامي