أول خطوة في أي رحلة علاج حقيقية تبدأ من جملة قد تبدو بسيطة… لكنها أعمق مما نتخيل: “عندي مشكلة”.
هذه الجملة هي باب الشفاء، اللحظة اللي نواجه فيها أنفسنا بصدق، ونقرر نتوقف عن الهروب، ونبدأ نمد إيدنا للطريق الصحيح.
الاعتراف مش ضعف، الاعتراف شجاعة… لأنه معناه إنك قررت تتحمل مسؤولية حياتك، وتعيد بناء نفسك من جديد.
طوال عملي مع المرضى والمتعافين، كنت دايمًا أشوف إن أقوى لحظة في حياة أي إنسان هي لحظة المواجهة، مش لحظة السقوط ولا التعثر.
لكن الاعتراف وحده مش كفاية. المتعافي محتاج متابعة مستمرة، ووجود من يسمعه، يلاحظ حالته النفسية، يدعمه ويقف بجانبه في اللحظات الصعبة. ترك الشخص لوحده بعد الاعتراف ممكن يضعف كل التقدم اللي عمله.
خليك دايمًا فاكر: ما فيش تغيير بيبدأ من غير صدق، وما فيش شفاء من غير اعتراف ومتابعة مستمرة.
— د. منى اليتامي
English 
Arabic