نجرب مرة

أغلب الناس ما كانتش ناوية تضيع حياتها…
البداية كانت دايمًا كلمة بسيطة: «نجرب مرة».
مرة علشان الفضول، مرة علشان الهروب، ومرة علشان ننسى وجع أو ضغط.

التجربة ما بتيجيش مكتوب عليها نهايتها، ولا بتقولك إنها ممكن تسحب منك صحتك، شغلك، ثقة أهلك، وحتى احترامك لنفسك.

كتير شفتهم دخلوا الباب وهم فاكرينه مفتوح، وما عرفوش إنه بيتقفل واحدة واحدة… لحد ما يلاقوا نفسهم خسروا كل شيء كانوا فاكرينه مضمون.

المخدر مش حل، ولا صديق، ولا تجربة عابرة.
هو طريق قصير شكله سهل… ونهايته دايمًا خسارة كبيرة.

لو لسه عندك فرصة تختار، اختار نفسك قبل ما التجربة تختارك.
 د. منى اليتامي