أخطر كذبة

أخطر كذبة بيصدقها الإنسان في بداية الطريق هي إن المخدر “هيعدّي مرة”، أو إن فيه فرصة تانية دايمًا.
الحقيقة الطبية والإنسانية اللي بشوفها كل يوم إن المخدر ما بيدي فرص ثانية، أول سقطة غالبًا بتفتح باب لسقوط أعمق وأقسى.

في البداية، الموضوع بيبان بسيط: تجربة، فضول، هروب مؤقت من ضغط أو ألم.
لكن اللي ما حدش بيحسه غير بعد فوات الأوان، إن المخدر بيغيّر طريقة تفكيرك، وبيسحبك خطوة خطوة بعيد عن نفسك، وعن أحلامك، وعن الناس اللي بتحبك.

كثير من المرضى قالوا لي:
«لو كنت أعرف إن أول مرة هتوديني لكل ده، ما كنتش قربت».
لكن المعرفة جات متأخرة، بعد خسارات نفسية، علاقات مكسورة، وثقة ضايعة.

الإدمان مش اختيار حر، هو نتيجة تغيّر حقيقي في الدماغ، ومع كل محاولة للسيطرة بيكون الثمن أكبر.
عشان كده الوقاية مش مبالغة، والرفض من البداية مش ضعف، ده وعي.

لو لسه ما بدأتش… توقف.
ولو وقعت… اطلب مساعدة فورًا.
كل ما البداية تكون أبكر، كل ما الخروج يكون أسهل.

افتكر دايمًا:
السقوط الأول مش لعبة،
وغالبًا… ما بيكونش الأخير.

د. منى اليتامي