اللي بيحارب الإدمان مش إنسان ضعيف

أول تجربة… ممكن تكون مجرد فضول بسيط، أو محاولة هروب سريعة من وجع أو ضغط، لكن الحقيقة اللي شفتها في سنين شغلي إن أول تجربة أحيانًا بتكون آخر أمان.
مافيش نهاية بتيجي فجأة، كل نهاية مؤلمة بدأت بجملة: «أجرب وما يصير شي».

الإدمان ما يدخلش حياتك كعدو واضح، يدخل بهدوء، بابتسامة، بوعد كاذب بالراحة أو النسيان. ومع الوقت، تكتشف إنك ما بقيتش بتختار… الاختيار هو اللي اختفى.
مش ضعف، ومش قلة إرادة، الإدمان حالة طبية تغيّر كيمياء الدماغ، وتحبس الإنسان في دائرة ذنب وخوف وصمت.

اللي بيحارب الإدمان مش إنسان ضعيف، ده إنسان شجاع قرر يواجه نفسه، يطلب مساعدة، ويبدأ من جديد.
وطلب المساعدة مش عيب، العيب الحقيقي إننا نسكت على الألم ونقنع نفسنا إننا قادرين لوحدنا.

لو لسه في البداية… قف.
ولو في النص… ارجع.
ولو حاسس إنك تايه… في دايمًا طريق، وفي دايمًا ناس جاهزة تمسك إيدك.

الحياة تستاهل فرصة حقيقية… مش تجربة ممكن تسرق عمرك.

 د. منى اليتامي