المخدرات مش حل

المخدرات مش حل… المخدرات أول باب لكل المشاكل.

في البداية بيقولك: أجرب، أهرب من ضغط، أنسى وجع.
لكن اللي ما حدش بيقوله إن المخدر ما بيحلش مشكلة،
هو بس بيأجلها… وبيرجعها أكبر وأقسى.

شفت شباب دخلوا السكة دي،
فلوسهم راحت،
ديون تراكمت،
شغل ضاع،
وعلاقات كانت مستقرة اتفركشت وحدة ورا التانية.
زوجة تعبت ومشيت،
أم فقدت الأمان،
وأبناء تايهين بين خوف وخجل.

المخدر بيغيرك من جوه،
يخليك شخص تاني،
يخليك تكذب، تتخانق، تهمل،
وتخسر نفسك قبل ما تخسر اللي حواليك.

اللي بيفكر إن المخدر هيخفف الحمل…
أحب أقوله:
هو هيزود الحمل أضعاف،
وهيخليك تشيل وجعك ووجع غيرك كمان.

لو حاسس إنك تعبان،
اطلب مساعدة،
اتكلم،
العلاج مش ضعف…
الضعف الحقيقي إنك تسلم نفسك للمخدر وتدفع التمن من عمرك وحياتك.

لسه في فرصة… قبل ما كل حاجة تتفركش.