لوم المدمن ما عمره كان حل

لوم المدمن ما عمره كان حل… اللوم ما يعالج، اللوم يكسر.
الشخص اللي يعاني من الإدمان أصلاً غارق في صراع داخلي، وشعور بالذنب، ونقد ذاتي قاسي. لما نضيف عليه لوم من الخارج، إحنا ندفعه أعمق… مو نرفعه.

الكلمة القاسية ممكن تدفعه لليأس، وتخليه يحس إنه غير قادر على التغيير، وكأن التعافي أكبر منه.
والإنسان اللي يحس إنه “فاشل” يفقد القوة اللي يحتاجها للوقوف من جديد.

الإدمان مرض، والتعامل معه يحتاج فهم، واحتواء، وإرشاد… مو اتهامات.
الدعم، والحوار الهادئ، والمساعدة المهنية،هذه الأشياء اللي تبني، أما اللوم فهو يهدم الثقة، ويزيد السقوط.

بدل ما نلوم… نفهم.
بدل ما نجرح… نساعد.
لأن كلمة دعم واحدة أحيانًا أقوى من ألف محاسبة.

لوم المدمن يكسره…
لكن دعم المتعافي يغيّر حياته.

د/ منى اليتامي