مرة وهعدّي

كم من شاب دخل الطريق بدافع التجربة، وقال “مرة وهعدّي”، والنهارده بيتمنى لو الزمن يرجع دقيقة واحدة بس. التجربة اللي بدأت بفضول بسيط سحبت وراها سنين من الوجع، وضاعت معاها قرارات وفرص وشكل حياة كان ممكن يبقى أفضل. الشاب ما كانش ضعيف، هو بس ما كانش عارف إن بعض التجارب ما بتديش فرصة تانية. الإدمان مش لحظة، الإدمان نتيجة، نتيجة لاختيار اتاخد باستخفاف، وتأثير كيميائي مسك المخ قبل ما العقل يفهم اللي بيحصل. عشان كده التحذير دايمًا بدري: اللي لسه ما جربش، يحافظ على نفسه، واللي جرب وندم، ما يستسلمش. الندم وعي، والوعي بداية طريق جديد، حتى لو الزمن ما رجعش.

د. منى اليتامي